Наградените ученици од ООУ„Славчо Стојменски“ присуствуваа на вчерашното свечено отворање на 52. Детски Рацинови средби
Завршија Детски Рацинови средби во Велес, кои се одржаа по 52. Пат. Убавиот пишан збор и ликовната уметност беа причината вчера во Велес на едно место да се соберат младите поети и ликовни уметници од повеќе градови од државата.
Детските Рацинови средби покрај другарувањето и негувањето на творештвото на Коста Солев Рацин имаат и натпреварувачки карактер. За време на вчерашното свечено отворање во Градската библиотека „Гоце Делчев” во Велес на вљубениците и почитувачите на рациновиот лик и дело им беа доделени наградите од литературниот и ликовниот конкурс „Белите мугри во светлината на денот” што ги распиша Организацискиот одбор на Детските Рацинови средби.
Нашите ученици Томислав Алексов VI-2 и Надја Спасова од VIII-1 под менторство на наставниците Миланка Стојанова и Роза Цекова беа пофалени и беа дел од свечената манифестација на која пред присутните ги прочитаа своите творби.